面方唔一定要削骨既 認清導致原因先可以有效改善

對症下藥先可以根治問題，可以睇定啲先既。可以了解返面方既原因，慢慢再搵方法解決。

- 咀嚼肌

一般係因為咀嚼同飲食習慣又或者遺傳因素都有關。日常成日食香口膠或硬既食物，導致過度使用有關。通常透過改善咀嚼同飲食習慣配合按摩可以改善，又或者用瘦面針都可以解決。

- 脂肪埋積

由於皮下脂肪堆積，肥胖係主要原因，透過減肥既方式改善，或者面部抽脂解決。

- 腮骨過闊凸出

天生腮骨凸出或者因咀嚼導致既骨性外擴，就需要用手術將腮骨多餘部分切除磨順。

但大家要留意返，削腮骨手術有一定既難度同風險，唔係想點削都得，除咗要確保兩邊對稱仲要避開複雜既動脈欉同神經線，否則，有機會造成傷口癒合唔到而產生既併發症。

最後，如果真係想要做手術既話，當然係要去咨詢醫生既專業意見，因應實際情況再評估點樣去解決問題。

#面方 #削骨 #咀嚼肌 #脂肪埋積 #腮骨過闊凸出

(Credit：網上資料，Pinterest)