.webp)
1. 需要開眼頭既原因
首先，眼頭係上下眼皮所中間既「眼裂」，佢既角度、大小同形狀都會影響眼睛的大小同眼型。而東方人眼睛既特徵「蒙古摺」就係要開眼頭既主要原因，呢個摺係一塊蹼狀皮瓣，覆蓋係內眼角斜下肌膚，遮住內眼角同淚阜。開眼頭就可令眼變長或變圓啲影響五官比例。
2. 適合做既人士
如果兩眼距離超過一隻眼睛的寬度，眼睛長度過短、唔符合三庭五眼既比例、鼻樑同山根扁平既話，呢個手術會有少許隆鼻效果。另外，如果內側眼白過少、呈鬥雞眼或斜眼既話都可以考慮返。
3. 手術既做法同復原時間
開眼頭手術係將內側贅皮打開，露出裡面原本被遮住既眼角結構。手術切口會同皮膚皺褶重疊或者隱藏係眼角凹陷陰影，唔會牽動眼部神經。手術一般係約30 - 60分鐘。一般手術後三天內，傷口會有腫脹，約7日後拆線，約兩星期左右恢復自然，一個月左右完全復原。
4. 手術疤痕及術後護理
過往既開眼頭手術，疤痕位置會係鼻樑同眼頭之間，傷口呈閃電型或彎月形，疤痕位置會隆起及疼痛，術後需要做埋去疤治療或化妝品掩蓋。
但現今技術成熟，會用微創進行所以疤痕比較細。講到尾，手術始終有風險，手術前記得諮詢醫生既專業意見。術後初期傷口需要保持乾爽同時唔好化妝。盡量避免捽眼同埋大幅度既表情拉扯到傷口。飲食方面，要避免刺激性食物以免影響傷口癒合。
每日用棉花沾生理鹽水清洗傷口，若分泌物太多既話就可用洗眼液沖洗。術後兩日內可用冰敷傷口去腫鎮痛。兩日後消腫就需要改為溫敷，令血液運行加快。
(Credit：網上資料)
Comments