.webp)
1. 貼服底妝
先遮瑕再粉底，會令整體更自然同更融合。之後『浸濕美妝蛋』後用力擰出多餘水份，微濕既情況再點啲粉底液『少量多次』既份量印上面均勻又輕薄。如果天氣太乾補濕又做唔夠搞到浮粉，可以『噴上補水噴霧』先做應急，美妝蛋均勻印開。
2. 眼妝
想妝容精緻，打底好重要。眼妝都有一樣既道理，用淺色打底，有利之後既上色。重點係要搵啱眼窩位置，呢個定點位置係上眼影既範圍唔好超過，由距離眼尾1/4 開始上深色並暈染開，就可以做到放大效果。
如果新手對話眼線冇信心，可以分段式咁畫，就算畫錯可以用棉花棒加小小遮瑕就可以抹甩。搽睫毛膏之前將睫毛刷多餘嘅睫毛液擦咁啲，就可以避免烏蠅腳嘅出現。
3. 修容
再趕都要做既步驟，因為個效果真係唔一樣。就好似係鼻頭上小小嘅位置打撗掃啲陰影會令個鼻翹啲。眉骨上用高光修飾一下會令面部立體好多。髮際線用深色眉粉或者眼影做返個陰影，可以修飾之外仲有減齡既效果。
4. 唇妝
搽唇膏之後，紙巾撕到最薄，貼上咀再印上散粉幫咀唇做定妝。另外，記得先搽唇膏之後先再上胭脂，咁就可以避免上得太紅。
(Credit：網上資料，小紅書，Pinterest)
Comments