冬季保養地雷 盡早改變以免變成敏感肌

今年不知不覺就去到冬天，除咗衫要換之外，保養品都要換埋呀，唔同季節皮膚既需要都唔一樣，唔想皮膚愈搽愈差？要留意返冬季保養既4個地雷啦，幫你一年四季都keep 靚！

1. 瘋狂用油類保養品

冬天乾燥關係，臉部容易有細紋同會脫皮，所以好多人都會揀高油量既保養品。但忽略補水既需要，咁樣會令肌膚水油不平衡，搞到肌膚外油內乾。形成粉刺同暗瘡等問題，所以需要先加強補水再配上鎖水產品，咁先可以令水分有效留係肌膚入面。

2. 急於美白保養

好多女生會為夏天開始努力，諗住冬天著長袖，就開始美白大計。但無諗到冬天天氣令肌膚變得乾燥同脆弱，而用美白既產品一般比其他保養品更乾。呢個美白計劃未有成績，就已引發敏感問題，嚴重既話可怕既敏感肌就會出現。

3. 忽略防曬

同樣，因為覺得冬天太陽比較弱，加上疫情要帶口罩又著長袖既關係，就懶搽防曬。但你需要知道，紫外線既強弱唔會因為季節變化而變弱，所以唔做好保護，暗沉、黑斑、鬆弛一樣都搵上你。

4. 沖涼時間變長

天氣凍去沖涼係一件好艱難既事，但入到去暖咗又唔捨得離開係人之常情。但其實對肌膚既傷害好大，由於高溫既水會令肌膚水分流失；肌膚既甩皮同乾燥更嚴重。需要多加留意既你酒糟 / 敏感肌既人士！所以醫生一般建議沖涼水溫唔好超過40度；洗面要用常溫的水以避免傷害肌膚，否則會引起濕疹、敏感、粉刺痘痘等問題，或令原本情況更嚴重。

#冬季 #保養 #地雷 #敏感肌 #油類保養品 #急於美白 #忽略防曬 #沖涼時間長